Santiago de Chile

[vc_row][vc_column width=»1/1″]

Santiago de Chile

22-04-2013

Santiago de Chile é o principal núcleo urbano do país, unha das poucas capitais do mundo nas que se pode gozar tanto da praia, a uns 100 quilómetros, como do esquí, a uns 50. Áchase na área central de Chile entre o Océano Pacífico e a Cordilleira dos Andes, montañas que poden divisarse dende case calquera recuncho da cidade.

Santiago conta co parque urbano máis grande de Chile e un dos máis grandes do mundo, o Parque Metropolitano de Santiago, cunha extensión aproximada de 722 hectáreas de espazos verdes. Nel atópanse dous dos cerros máis importantes da cidade, o Santa Lucía e o San Cristóbal, que constitúen unha singularidade ao atopárense inseridos na rexión metropolitana.

Malia que a produción vinícola chilena é centenaria non é ata as últimas décadas do século XX cando os viños chilenos conseguen posicionarse entre os mellores do mundo, cultivando principalmente variedades francesas con técnicas de maduración e ensamblaxe perfeccionadas. Tanto os viños como as froitas chilenas tiveron recoñecemento internacional pola súa calidade e boa selección. A bebida tradicional é o pisco sour.

Na actualidade Santiago é o centro cultural, administrativo e financeiro de Chile. Con 6.000.000 de habitantes figura como a segunda metrópole sudamericana máis segura.

Galegos en Santiago de Chile

[vc_row_inner padding_top=»0px» padding_bottom=»0px» border=»none»][vc_column_inner width=»1/3″]

Óscar García

É un xornalista coruñés de 30 anos. Chegou a Santiago de Chile coa súa moza en busca de traballo. A cidade recibiuno cun pequeno terremoto que a el lle pareceu moi grande, como a propia cidade. Agora traballa na Televisión Nacional Chilena. Con el imos subir ao Cerro San Cristóbal e descubrir o Barrio Lastarria.

[/vc_column_inner][vc_column_inner width=»1/3″]

Rubén Bravo

Viña del Mar está a hora e media de Santiago de Chile e é a súa praia. Alí vive dende hai un ano Rubén Bravo, un vilagarcián de 30 anos que chegou a Chile por amor e en busca de traballo e que o primeiro co que se topou foi cunha exposición de traxes rexionais galegos. Con el descubrimos que curiosa historia se agocha detrás desa exposición logo de pasear polo casco histórico de Valparaíso.

[/vc_column_inner][vc_column_inner width=»1/3″]

Antonio Mouriño

O único profesor de flamenco de Santiago de Chile chámase Antonio Mouriño e é de Marín. Bailarín clásico de formación, viviu en diferentes cidades do mundo ata que os amigos o animaron a lanzarse á aventura e probar en Chile. Antonio lévanos ao mercado máis antigo de Santiago de Chile e guíanos polo famoso Barrio Bellavista.

[/vc_column_inner][/vc_row_inner][vc_row_inner padding_top=»0px» padding_bottom=»0px» border=»none»][vc_column_inner width=»1/3″]

Juan Carlos Fernández

Fisterrán de 50 anos, está en Santiago de Chile por amor. Casou cunha chilena e topou cunha familia que o acolleu tan ben que o fan sentirse como na casa. Juan Carlos lévanos de ruta polos lugares máis emblemáticos da cidade como o Palacio de la Moneda ou a Plaza de Armas para rematar degustando un menú típico do campo chileno.

[/vc_column_inner][vc_column_inner width=»1/3″]

Cristina Pascual

Ten 38 anos e é de Maceda, Ourense. Coñeceu Santiago de Chile hai seis anos porque é actriz e estivo aquí participando nun filme. Agora traballa de xerente cultural no Estadio Español e aínda lle queda tempo para aprender a tocar a batería. Acompañámola ao seu lugar de traballo, ás clases de batería e descubrimos con ela a cultura do viño chileno.

[/vc_column_inner][vc_column_inner width=»1/3″][/vc_column_inner][/vc_row_inner][/vc_column][/vc_row][vc_row][vc_column width=»1/1″]

Making Of


Mais información

Comparte este destino

[/vc_column][/vc_row]